v

Khush Thay Kuch Aisay Teri Rafaqat Kay Shauq Main
Manzil Ganwa Di Ham Ne Musaafat Kay Shauq Main

nafrat hi Pehr-e-Daar Mili Har Makaam Par
Jis Darr Pe Ham Gaey Hain Mohaabat Kay Shauq Main


Ham Baargah-e-Ishq Main Maqbool Youn Hue
Khud Se Bichar Gaey Teri Qurbat Kay Shauq Main


Lautay Hain Ab Tou Saath Hai Ranj-o-Alam Ki Bheer
Niklay Thay Ghar Se Aik Musarrat Kay Shauq Main


Apnay Chaman Se Raabta Bilkul Nahi Raha
Sehra Norad Ho Gaey Daulat Kay Shauq Main


Daaman Main Hasraton Kay Siwa Kuch Nahi
Aisay Lutay Hain Ham Teri Chahat Kay Shauq Main
--